Birləşmiş Ərəb Əmirliklərinin “Dragon Oil” şirkəti 2024-cü ildə Xəzər dənizinin Türkmənistan sektorundakı 19-cu blokda quyuların qazılmasına başlayacaq, bu barədə fevralın 5-də Türkmənistanın Beynəlxalq İnformasiya Mərkəzinə müsahibəsində şirkətin baş icraçı direktoru Əli Rəşid Əl-Carvan bildirib.
Əl-Carvan vurğulayıb ki, onların mütəxəssisləri bu yataqda seysmik kəşfiyyatı uğurla başa vurub və hazırda geoloji kəşfiyyat işlərinə hazırlıq görür. O, həmçinin qeyd edib ki, şirkət “Türkmənnebit” Dövlət Konserninin blokla bağlı texniki məlumatlarını da öyrənib.
Şirkətin baş icraçı direktoru Blok 19-da kəşfiyyat və hasilat işlərinin yeni fəslinin açılacağına ümid etdiyini bildirib, Dragon Oil və “Türkmennebit” Qrupunun əməkdaşlıq üçün məhsuldar planlarının olduğunu vurğulayıb.
Bu ilin yanvarında “Türkmennebit” Dövlət Konserni və “Dragon Oil (Türkmənistan) Ltd” şirkəti arasında Anlaşma Memorandumu imzalanıb, ona əsasən “Dragon Oil” şirkəti Çeleken yaxınlığında üç perspektivli yatağın işlənməsinə başlayacaq.
