2023-cü ilin yanvar-sentyabr aylarında Azərbaycan gömrük bəyannamələrinə əsasən (nomenklatura kodu 2710) 751 min 742,35 ton neft məhsulları ixrac edib ki, bu da ötən ilin müvafiq dövrünün göstəricisindən 45,8% çoxdur.
Bu barədə “İnterfaks-Azərbaycan” agentliyi Dövlət Gömrük Komitəsinə istinadən məlumat verib.
Hesabat dövründə Azərbaycandan $459 milyon 669,16 min dəyərində (artım 34,3%) neft məhsulları ixrac olunub.
Yanvar-sentyabr aylarında Azərbaycandan bütün ixracın 1,74%-i (2022-ci ilin müvafiq dövründə 1,16%-i) neft məhsullarının ixracının payına düşüb.
2022-ci ildə Azərbaycandan $527 milyon 355,16 min dəyərində (azalma 18,8%) 770 min 815,85 ton (azalma 42,6%) neft məhsulları ixrac edilib.
