Exxon neft-kimya məhsullarının xeyrinə benzindən imtina edəcək

Bloomberg yazır ki, qlobal enerji keçidinin bir hissəsi kimi benzin istehlakının əhəmiyyətli dərəcədə azalması Amerika neft nəhəngi Exxon-u istehsal planlarını tənzimləməyə və benzin istehsalından neftdən sürtkü yağlarına və neft-kimya məhsullarına keçməyə məcbur edir.

“İnkişaf istiqamətlərindən biri bioyanacaq istehsalı olacaq”, deyə “ExxonMobil” şirkətinin baş vitse-prezidenti Cek Uilyams agentliyə müsahibəsində bildirib.

Onun sözlərinə görə, qarşıdakı onillikdə ənənəvi yanacağa dünyada tələbat azalacaq və şirkətin nefti kimyəvi məhsullara çevirmək qabiliyyəti ona enerji keçidi həyata keçirməyə kömək edəcək.

Şirkətin Sinqapurdakı emal zavodunu modernləşdirilməsi nəticəsində Brent markalı neftdən 50 dollar baha olan sürtkü yağları istehsal etməyə imkan yaranıb. Hazırda şirkətin Texas (ABŞ) və Böyük Britaniyada zavodlar daha çox dizel yanacağı istehsalına keçir, bu yanacaq elektrik nəqliyyat vasitələri ilə daha az rəqabətlə üzləşən gəmilər və ağır yük maşınları üçün istifadə olunur.

Caspian Barrel