Azərbaycan prezidenti İlham Əliyev 2027-ci ilə qədər Azərbaycan qazının Avropaya nəql həcminin 20 milyard kubmetrdək artırılması ilə bağlı planları “tamamilə real” adlandırıb.
“Biz (Azərbaycan – İF) 2027-ci ilə qədər tədarükün iki dəfə artırılmasına dair Anlaşma Memorandumu imzaladıq, bu, 20 kubmetrə yaxındır. Düşünürəm ki, bu tamamilə realdır (planlar – İF), əks halda biz bunu (memorandumu – İF) imzalamazdıq. Fors-major hallar baş verməsə, bu tamamilə realdır”, – Əliyev çərşənbə günü Şuşada “Böyük Avrasiya geosiyasətininformalaşması: keçmişdən bu günə və gələcəyə” mövzusunda beynəlxalq konfransda çıxışında bildirib.
Azərbaycan prezidenti Avropaya qaz ixracının artırılması üçün mənbə olaraq “Şahdəniz”, “Abşeron” yataqlarının, “Azəri-Çıraq-Günəşli” (AÇG) blokundan deep qaz, “Ümid-Babək” və “Qarabağ” yataqlarının adlarını çəkib, o cümlədən, idarəetmənin səmərəliliyi, itkilərin azaldılması, qaz paylama şəbəkəsinin modernləşdirilməsi və bərpa olunan enerji mənbələrini qeyd edib ki, onlardan istifadə ixrac üçün əlavə qaz həcminin azad edilməsinə imkan verəcək.
Eyni zamanda, Əliyev Avropa ölkələrinə gələcəkdə tədarük məqsədilə artıq “tam gücü ilə işləyən” TAP qaz kəmərinin genişlənməsinin zəruriliyini qeyd edib.
Dövlət başçısı əlavə edib ki, 2021-ci ildə Azərbaycan qazının Aİ ölkələrinə ixracı təxminən 8 milyard kubmetr təşkil edib, 2023-cü ildə təxminən 12 milyard kubmetr təşkil edəcək.
İnterfaks-Azərbaycan
