Avropa İttifaqı (Aİ) ölkələri – İtaliya, Yunanıstan və Bolqarıstan 2023-cü ilin yanvar-oktyabr aylarında Azərbaycandan qaz idxalını ötən ilin müvafiq dövrü ilə müqayisədə 3,9% – 409,3 min teracoula qədər artırıb.
Bu barədə Aİ-nin Statistika İdarəsi (Avrostat) xəbər verir.
Hesabat dövründə Azərbaycandan Aİ ölkələrinə idxal olunmuş qazın dəyəri təqribən 5 milyard avro (ildən ilə azalma 2,6 dəfə) təşkil edir.
Oktyabrda Aİ ölkələri Azərbaycandan qaz idxalını ildən ilə 0,3% – 45,1 min teracoula qədər artırıb və bu məqsədlər üçün 445 milyon avro (ildən ilə azalma 4,3 dəfə) yönəldib.
Avrostatın məlumatına görə, 2022-ci ildə Aİ ölkələri Azərbaycandan 15,6 milyard avro dəyərində (il ərzində artım 4 dəfə) təbii qaz idxal edib.
2022-ci ildə Azərbaycan qaz ixracını 18% – 22,3 milyard kubmetrə qədər artırıb, Avropaya 11,4 milyard kubmetr qaz (+39%) ixrac edilib.
2023-cü ildə Azərbaycandan qaz ixracı 24,5 milyard kubmetr həcmində planlaşdırılır, bunun 12 milyard kubmetrə qədəri Avropaya nəql olunacaq.
Interfaks-Azərbaycan
