2022-ci ilin yanvar-noyabr aylarında Brent markalı neftin orta qiyməti bir barel üçün $100,9 təşkil edib ki, bu da onun 2021-ci ildəki orta qiymətindən (70,6 dollar/barel) 42,9% artım deməkdir.
Azərbaycan Mərkəzi Bankının məlumatına görə, aparıcı analitik mərkəzlərin 2023-cü il üçün Brent markalı neftin qiyməti ilə bağlı konsensus proqnozu bir barel üçün $92 təşkil edir.
Əvvəllər bildirildiyi kimi, Azərbaycanın 2022-ci il dövlət büdcəsinin gəlirləri Brent markalı neftin orta qiymətinin 70 dollar/barel, ixracının isə 85 dollar/barel qiymətindən hesablanıb.
Azərbaycanın 2023-cü il dövlət büdcəsinin gəlirləri neftin 50 dollar/barel qiymətindən proqnoz edilir.
“İnterfaks-Azərbaycan”
