2024-cü ilin yanvar-fevral aylarında Bakı-Tbilisi-Ceyhan (BTC) boru kəməri ilə Türkiyənin Ceyhan terminalından ixrac edilən neft həcmləri 35 milyon 960 min barel təşkil edib.
Caspian Barrel bu barədə Türkiyənin BOTAS International Limited (BIL – BTC boru kəmərinin Türkiyə hissəsinin operatoru) şirkətinin məlumatlarına əsasən xəbər verir.
BİL qeyd edir ki, 2023-cü ilin yanvar-fevral aylarında BTC boru kəməri ilə neft ixracı 35 milyon 49 min barel təşkil etmişdi. Bu məlumatdan çıxış edərək qeyd edə bilərik ki, 2024-cü ilin yanvar-fevral aylarında BTC ilə neft ixracı həcmləri 2,6% artıb.
Şirkətin məlumatına görə, 2024-cü ilin fevral ayında BTC ilə eyhan terminalından 17 milyon 42 min barel neft ixrac edilib (2023-cü ilin fevral göstəricisindən 7,3% çoxdur).
Xəbər verildiyi kimi, BIL-ə görə, 2023-cü ildə BTC vasitəsilə neft ixrac həcmləri 228 milyon 811 min barel (2022-ci il göstəricisinin + 1,5%-i) təşkil edib.
