Bu il Azərbaycan neftin 1 barelini neçədən ixrac edib?

Dövlət Gömrük Komitəsinin məlumatları əsasında “Caspian Barrel” hesablayıb ki, cari ilin 10 ayının yekunları üzrə Azərbaycan xam nefti və kondensatı xarici bazarlarda orta hesabla hər barel üçün $83,66-dan satıb.

2023-cü ilin yanvar-oktyabr aylarında Azərbaycan gömrük bəyannamələrinə əsasən 22 milyon 268 min 796,3 ton neft ixrac edib ki, bu da 2022-ci ilin müvafiq dövrünün göstəricisindən 1,8% azdır.

Bu barədə “İnterfaks-Azərbaycan” agentliyinə Dövlət Gömrük Komitəsindən (DGK) məlumat verilib.

Hesabat dövründə Azərbaycandan $13 milyard 785 milyon 636,21 min dəyərində (azalma 19,8%) neft ixrac edilib.

2023-cü ilin yanvar-oktyabr aylarında ixracın ümumi strukturunda neftin payı 46,98% (2022-ci ilin müvafiq dövründə 49,49%) təşkil edib.

Hesabat dövründə 22 ölkə Azərbaycan neftinin alıcısı olub.