Özbəkistanın yanacaq-energetika kompleksi, maşınqayırma və nəqliyyat sahəsində aparıcı şirkətlərinin özəlləşdirilməsinə başlanılması prezident Şavkat Mirziyoyevin bazar ertəsi dərc edilmiş fərmanı ilə nəzərdə tutulub.
Sərəncamda təcrübəli investisiya bankını cəlb etməklə, 2022-ci ilin sonunadək “Özbəkneftqaz” Səhmdar Cəmiyyətinin, o cümlədən ən azı 49 faiz həcmində səhmlərin kütləvi təklifi (İPO) yolu ilə özəlləşdirilməsi üzrə işlərə başlamaq nəzərdə tutulur. Dövlət başçısı həmçinin hökumətə tapşırıb ki, “İstilik elektrik stansiyaları” Səhmdar Cəmiyyətinin də 51% və daha çox dövlət payının özəlləşdirilməsi təmin edilsin.
Caspian Barrel Özbəkistam mətbuatına istinadən xəbər verir ki, burada məqsəd dövlət şirkətlərində iqtisadi səmərəliliyin artırılması və onların tədricən kommersiya relsinə keçidinin təmin edilməsinə nail olmaqdır.
Sənəddə 2022-ci il sentyabrın 1-dək beynəlxalq konsaltinq şirkətinin rəyi əsasında “Özbəkhidroenerqo” SC üçün yeni kiçik və orta stansiyaların tikintisini nəzərdə tutan islahat strategiyasının Nazirlər Kabinetinin təsdiqinə təqdim edilməsi də yer alıb.
