Qazaxıstan prezidenti Kasım-Jomart Tokayev Bolat Akçulakovun ölkənin yeni energetika naziri təyin edilməsi barədə sərəncam imzalayıb.
“Report” Qazaxıstan mətbuatına istinadən xəbər verir ki, 50 yaşlı yeni nazir ötən ilin aprel ayından “Samruk-Kazına” SC Milli Rifah Fondunun aktivlərin idarə edilməsi üzrə idarəedici direktoru olub.
Bundan əvvəl isə o, “Kazenergy” assosiasiyasının baş direktoru, energetika nazirinin müavini, “Almex Petrochemical” şirkətinin baş direktoru, “KazMunayQaz” Milli Şirkətinin prezidenti vəzifələrində çalışıb.
