Fransanın enerji nəhəngi Qazaxıstanda 1000 MVt gücündə külək elektrik stansiyasının tikintisində “KazMunayQaz”la tərəfdaş olacaq.
Fransa Prezidenti Emmanuel Makronun Qazaxıstana rəsmi səfəri çərçivəsində “TotalEren” şirkəti (“TotalEnergies” şirkətinin yaşıl enerji ilə məşğul olan törəmə qurumu – Caspian Barrel) ilə 1000 MVt gücündə külək elektrik stansiyasının tikintisi layihəsi üzrə birgə saziş imzalanıb.
Layihə iştirakçıları “TotalEnergies” (60%), “Samruk-Kazyna” (20%) və “KazMunayQaz” (20%) şirkətləridir.
Layihəsi çərçivəsində Qazaxıstanın cənubunda 200-ə yaxın külək turbininin quraşdırılması və sonrakı 20 ildə istismar edilməsi planlaşdırılır.
Külək elektrik stansiyasında istehsal edilən enerjinin toplama və saxlanılması sisteminin də yaradılması nəzərdə tutulur.
Qazaxıstanın ən iri külək elektrik stansiyası Jambil vilayətinin Mirnı kəndi yaxınlığında tikiləcək.
Bildirilir ki, bu, karbon izinin azaldılmasına, eləcə də Qazaxıstan Respublikasının 2060-cı ilə qədər karbon neytrallığına nail olmaq məqsədinin həyata keçirilməsinə kömək edəcək addımlardan biridir.
Caspian Barrel
