Azərbaycan 2021-ci ilin yanvar-iyun aylarında 14 milyon 47 min ton neft ixrac edib ki, bu da 2020-ci ilin analoji dövrünün göstəricisindən 4,5% azdır.
Bu barədə “İnterfaks-Azərbaycan” agentliyinə Gömtük Komitəsindən məlumat verilib.
Hesabat dövründə Azərbaycandan ixrac edilən neftin ümumi dəyəri $6 milyard 326 milyon 602,3 min (artım 50%) təşkil edib.
Cari ilin yanvar-iyun aylarında Azərbaycan 8 milyard 992,1 milyon kubmetr (artım 35,1%) qaz ixrac edib. Hesabat dövründə ixrac edilmiş qazın ümumi dəyəri $1 milyard 450 milyon 682,7 min (azalma 0,6%) təşkil edib.
2020-ci ildə Azərbaycan $8 milyard 520 milyon 478,8 min dəyərində 28 milyon 374,2 min ton neft, $2 milyard 763 milyon 457,9 min dəyərində 13 milyard 839,9 milyon kubmetr qaz ixrac edib.
Hazırda Azərbaycan qazı Türkiyə və Gürcüstana, eləcə də İtaliya, Yunanıstan və Bolqarıstan istehlakçıları üçün Avropaya ixrac edilir.
