2019-cu ildə Azərbaycan orta gündəlik neft hasilatı 764 min barrel təşkil edib. Bu barədə “İnterfaks-Azərbaycan”a Energetika Nazirliyindən məlumat verilir.
“2019-cu ildə Azərbaycanda orta gündəlik neft hasilatı 764 min barrel təşkil edib. 2018-ci ildə bu göstərici 792,6 min barrel təşkil edib”, – nazilrikdən bildiriblər.
Beləliklə, 2019-cu il ərzində ölkədə orta güendıkik neft hasilatının göstəricisi 3,6% azalıb.
2018-ci il dekabrın 7-də əldə olunmuş OPEC+ razılaşmasına əsasən, OPEC üzvləri neft hasilatını sutkada 800 min barrel, kartelə daxil olmayan ölkələr isə 400 min barrel azaltmaqla bağlı öhdəlik götürüb. OPEC və qeyri-OPEC ölkələrinin iyulun 2-də Vyanada keçirilmiş iclasının yekunları üzrə neft hasilatının azaldılmasına dair razılaşmanın müddəti 2020-ci ilin I rübünün sonunadək uzadılıb.
Eyni zamanda, 2020-ci ilin yanvar ayından etibarən Azərbaycan gündəlik hasilatı daha 7 min barel – 769 min barrelə qədər azaltmağa dair öhdəlik götürüb.
