Nigeriya OPEC+ iclası ərəfəsində neft hasilatını artıracağını və növbəti rübün sonuna qədər həcmləri gündəlik 2 milyon barrelə çatdırmağı planlaşdırdığını açıqlayıb.
“Reuters” agentliyinin məlumatına görə, Nigeriya hazırda gündə 1,7 milyon barel neft və kondensat hasil edir və ilin sonuna qədər bu rəqəmin gündə 1,8 milyon barrelə çatacağını gözləyir.
Üstəlik, agentliyin məlumatına görə, Nigeriya növbəti rübün sonuna qədər neft və kondensat hasilatını gündəlik 2 milyon barrelə çatdırmağı planlaşdırır.
Hazırda Nigeriyanın OPEC+ üzrə kvotası gündəlik olaraq 1,742 milyon barel təşkil edir və 2024-cü ildə o, 1,38 milyon barelə qədər azalmalıdır.
OPEC daha əvvəl bəyan etmişdi ki, təşkilata daxil olan ölkələrin konfransı, eləcə də monitorinq komitəsinin iclası və OPEC+ nazirlərinin noyabrın 25-26-da Vyanada keçirilməsi nəzərdə tutulan iclası noyabrın 30-na təxirə salınıb. Görüş onlayn formatda keçiriləcək.
Xarici xəbər agentliklərinin OPEC+ mənbələrinə verdikləri məlumata görə, OPEC+ görüşünün gecikməsi Səudiyyə Ərəbistanı ilə Afrikanın bir neçə ölkəsi arasında kvotalarla bağlı fikir ayrılıqları ilə bağlı olub.
