Azərbaycan 2024-cü ilin yanvar ayında qaz ixracını ötən ilin ayavar ayı ilə müqayisədə 4,5% – 2,3 milyard kubmetrə qədər artırıb. “İnterfaks-Azərbaycan” agentliyi xəbər verir ki, bu barədə energetika naziri Pərviz Şahbazov “X” sosial şəbəkəsindəki hesabında yazıb.
Şahbazov yazıb ki, 2024-cü ilin yanvar ayında Avropaya 1,1 milyard kubmetr (Azərbaycandan bütün ixracın 48%-i), Türkiyəyə 0,8 milyard kubmetr (bütün ixracın təxminən 35%-i), Gürcüstana 0,4 milyard kubmetr (bütün ixracın 17%-dən çox) Azərbaycan qazı ixrac edilib. Hesabat dövründə TANAP qaz kəməri ilə Türkiyəyə 0,4 milyard kubmetr qaz nəql olunub.
Xəbər verildiyi kimi, Azərbaycan 2023-cü ildə qaz ixracını 5,3% – 23,8 milyard kubmetrə qədər artırıb. Avropaya 11,8 milyard kubmetr qaz (+3,5%) ixrac edilib.
Hazırda Avropada Azərbaycan qazının alıcıları İtaliya, Yunanıstan, Bolqarıstan, Rumıniya, Macarıstan, Serbiyadırdır. Bundan başqa, daha bir neçə Avropa ölkəsi Azərbaycan qazını almaqda maraqlı olduğunu bildirib.
