Transxəzər qaz kəmərinin tikintisi Azərbaycanın layihəsi deyil, bu layihədə Azəbaycan ancaq tranzit ölkə rolunu oynayır. Bu barədə Azərbaycan prezidenti İlham Əliyev bəyan edib.
“Transxəzər (qaz kəməri -İF) bizim layihə deyil. Bu layihədə biz tranzit ölkə hesab olunuruq. Biz artıq dəfələrlə, həmçinin mən aydın şəkildə bəyan etmişəm ki, əgər dostlarımız və Xəzər üzrə tərəfdaşlarımız boru kəməri inşa etmək qərarına gəlsələr, biz zəruri tranziti təmin etməyə hazırıq. Lakın, mənə məlum olduğu qədər, hələlik maliyyə mənbəyinin qeyri-müəyyənliyi ilə əlaqədar məsələ hələlik həll olunmayıb”, – Əliyev Berlində Almaniyanın aparıcı şirkətlərinin rəhbərləri ilə görüşdə deyib.
Onun sözlərinə görə, 30 milyard kubmetr gücündə qaz kəmərinin tikintisi üzrə xərcələrin yükünü kimin daşıyacağı hələlik aydın deyil. “Bunun hansısa Avropa şirkətləri və ya Aİ-nin vəsaiti olacağı aydın deyil”, – prezident bildirib.
Prezident vurğulayıb ki, Tranxəzər qaz kəməri layihəsi artıq uzun illər ərzində müzakirə olunur. “Yadımdadır, ən azı son 10 il ərzində bu müzakirə olunur. Bu məsələ müzakirə edilərkən biz Bakı-Tbilisi-Ceyhan, Bakı-Tbilisi-Ərzurum, Cənub Qaz Dəhlizini tikdik, biz (bu gün – İF) Avropaya «yaşıl» enerji ötürmə xəttini çəkirik, Transxəzər (qaz kəməri – İF) məsələsi isə hələ də müzakirə olunacaq. Vəziyyət belə mürəkkədir”, – o qeyd edib.
Həmçinin, Əliyev əlavə edib ki, “Azərbaycanın təşəbbüs etdiyi bütün layihələr ya artıq uğurla tamamlanıb və ya şübhəsiz ki, uğurlu olacaq”.
