Çində yuan və xarici valyutada “yaşıl” kreditləşmənin həcmi 2022-ci ildə 38,5% artaraq 22,03 trilyon yuan (3,3 trilyon dollar) təşkil edib. Bu barədə Çin Xalq Bankı məlumat yayıb.
2021-ci ildə “yaşıl” kreditləşmə göstəricisi üzrə artım Çində 33% olmuşdu.
Caspian Barrel “Finmarket” nəşrinə istinadən yazır ki, “yaşıl” kreditlər cəlb edilmiş vəsaitlərin ətraf mühitin mühafizəsi və yaxşılaşdırılmasına töhfə verən sahələri dəstəkləmək üçün istifadə olunduğu maliyyələşdirmə formasıdır.
Çin karbon neytrallığına nail olmaq üçün milli səylərinin bir hissəsi olaraq yaşıl maliyyə sistemini və bazarlarını inkişaf etdirməkdə sürətlə irəliləyir.
Qeyd edək ki, dünyada elektromobillərin istehsalının hazırda təqribən 60%-i Çinin payına düşür. Bundan əlavə “yaşıl” enerji avadanlıqlarının istehsalının əsas hissəsi Çində həyata keçirilir.
