Azərbaycan, İran və Türkmənistan üçtərəfli SWAP sazişi çərçivəsində qaz tədarükünün artırılmasını müzakirə edir
Azərbaycan, İran və Türkmənistan qaz tədarükü məsələsində əməkdaşlığı genişləndirə bilər, tədarükün həcminin artırılmasına dair yeni təkliflər var. Bunu Azərbaycanın İran İslam Respublikasındakı səfiri Əli Əlizadə deyib.
Xəbər verildiyi kimi, 2021-ci ilin 28-də Aşxabadda Azərbaycan və İran Türkmənistan qazının arasında qarşılıqlı qaz tədarükü (swap) üzrə İran üzərindən Azərbaycana tədarükü haqda saziş imzalamışdılar.
“Bu layihənin perspektivi uğurlu görünür, hətta tədarükün həcminin artırılması ilə bağlı təkliflər də var və bu istiqamətdə müvafiq qurumlarla daim danışıqlar aparılır. Qaz tədarükü sahəsində ikitərəfli və çoxtərəfli əməkdaşlığın gücləndirilməsi ilə bağlı yeni təşəbbüslər də var və dəyərləndirmələr aparılır”, – deyə səfir “IRIB” dövlət teleradio şirkətinə müsahibəsində bildirib.
O, bu layihənin hər üç tərəfə (Bakı, Tehran, Aşqabad) fayda verməklə yanaşı, eyni zamanda, regional əməkdaşlığa da töhfə verəcəyinə ümidvar olduğunu deyib.
İran üçtərəfli sazişə uyğun olaraq 2022-ci ilin yanvarın 3-dən Türkmənistandan alınmış qazın Azərbaycana idxalı başlanıb. İran tərəfinin məlumatına görə, tədarükün gündəlik həcmi 4 milyon kubmetrdən çoxdur. Sazişə əsasən, Türkmənistan İran vasitəsilə Azərbaycana ildə 1,5-2 milyard kubmetr qaz tədarük edəcək.
İnterfaks-Azərbaycan
