2022-ci ildə Azərbaycanda 34 milyon 830,3 min ton neft, 43 milyard 514 milyon kubmetr qaz hasil ediləcək.
“İnterfaks-Azərbaycan” agentliyi hökumətin 2022-2025-ci illərdə neft və qaz hasilatı üzrə proqnozlarına istinadən xəbər verir ki, 2023-cü ildə ölkədə neft hasilatı 35 milyon 752,7 min ton, 2024-cü ildə 35 milyon 672 min ton, 2025-ci ildə 34 milyon 707,6 min ton səviyyəsində olacaq.
Proqnozlara əsasən, 2023-cü ildə Azərbaycanda 47 milyard 757,4 milyon kubmetr, 2024-cü ildə 49 milyard 210,1 milyon kubmetr, 2025-ci ildə 49 milyard 728,1 milyon kubmetr qaz hasil ediləcək.
Bununla yanaşı, hökumət 2021-ci il üçün neft və qaz hasilatına dair məlumat vermir.
2020-ci ildə Azərbaycanda 34 milyon 585,4 min ton neft (2019-cu ilin göstəricisindən 7,8% az), 36 milyard 713,3 milyon kubmetr qaz (artım 3,1%) hasil edilib.