Britaniya mediasının yazdığına görə, Avropa liderlərinin vaxtaşırı müraciət etdikləri bütün iqlim ritorikasına baxmayaraq, Rishi Sunak qalıq yanacaq enerjisinin çempionu kimi tarixə düşəcək.
Bu siyasətçi Şimal dənizində neft və qaz hasilatının yenidən başlaması üçün çox iş görüb. Məhz onun dövründə ölkə bu sahədə kəşfiyyat və hasilat üçün yeni lisenziyaların verilməsinə başladı. Sonra Şimal dənizində 100 yeni quyunun planetin iqliminə faydalı təsir göstərəcəyini bildirdi. Təbii ki, ölkənin ekoloqları keçmiş baş nazirin bu təşəbbüsünü dəstəkləmədilər. Britaniyada yaşıl etirazlar hələ də vaxtaşırı alovlanır.
Keçən yay Böyük Britaniyada kömürlə işləyən elektrik stansiyaları işə salındı, çünki soyutma sistemləri daha çox enerji istehsal gücü tələb edirdi.
Eyni zamanda, dəniz külək enerjisi sektoru, o cümlədən Rishi Sunak dövründə ortaya çıxan immiqrasiya qaydalarının çətinləşməsi səbəbindən cəlbedici olmağı dayandırdı.
Bununla belə, Sunakın bəlkə də ən böyük addımı onun başçılıq etdiyi hökumətin 2023-cü ilin sentyabrında bir sıra iqlim hədəflərini təxirə salması oldu. İlk növbədə, bu, daxiliyanma mühərrikli yeni avtomobillərin satışına qoyulan qadağanın 2030-cu ildən 2035-ci ilə qədər təxirə salınması, evlərin enerji səmərəliliyinin artırılması tələblərindən müvəqqəti imtina, o cümlədən qaz və mazutla işləyən istilik sistemlərinə qoyulması nəzərdə tutulan qadağaların müvəqqəti dayandırılması idi.
Siyasətçilər və ekloqlar Sunakın bu cür təşəbbüsündən təəccübləndiklərini gizlətmirdilər. Hətta o zaman onun reytinqi ən aşağı səviyyəyə düşmüş, rəy sorğusu iştirakçılarının yalnız 23%-i onun siyasətini bəyəndiklərini ifadə etmişdilər.
