Azərbaycan hökuməti 2024-cü ildə ölkədə neft hasilatını 29 milyon 492,3 min ton səviyyəsində proqnozlaşdırır. Bu barədə “İnterfaks-Azərbaycan”a hökumətdən məlumat verilib.
2023-cü il ərzində ölkədə neft hasilatı üzrə faktiki məlumat hələlik dərc olunmayıb. Noyabrda Hesablama Palatası məlumat verib ki, 2023-cü ildə ölkədə neft hasilatı 30,5 milyon ton səviyyəsində gözlənilir.
Beləliklə, 2024-cü ildə neft hasilatında azalma 2023-cü illə müqayisədə 3,3% təşkil edə bilər.
Dövlət Statistika Komitəsinin məlumatına görə, 2023-cü ilin yanvar-noyabr aylarında Azərbaycanda kondensatla birlikdə neft hasilatı 27 milyon 695,4 min ton təşkil edib, bu da 2022-ci ilin eyni dövrü ilə müqayisədə 7,4% azdır.
2022-ci ildə Azərbaycanda kondensatla birlikdə neft hasilatı 32 milyon 667,7 min ton (azalma 5,5%), ixracı – 26,3 milyon ton (azalma 6,5%) təşklil edib.
