Cümə, İyun 13, 2025
Caspian Barrel
Advertisement
  • Azərbaycan
  • Rusiya
  • İran
  • Qazaxıstan
  • Türkmənistan
  • Maraqlı Xəbərlər
  • Yaşıl enerji
  • Vakansiya
  • Əlaqə
  • Azərbaycan
  • English
  • Русский
No Result
View All Result
  • Azərbaycan
  • Rusiya
  • İran
  • Qazaxıstan
  • Türkmənistan
  • Maraqlı Xəbərlər
  • Yaşıl enerji
  • Vakansiya
  • Əlaqə
  • Azərbaycan
  • English
  • Русский
No Result
View All Result
Caspian Barrel
No Result
View All Result

“BP Azərbaycan”ın regional rəhbər heyətində yeni təyinatlar olub

16/06/2021
1
BAXIŞ
Share on FacebookShare on Twitter

Azərbaycanın uzunmüddətli və etibarlı tərəfdaşı kimi BP əməliyyatların təhlükəsiz, səmərəli və ekoloji cəhətdən zərərsiz şəkildə həyata keçirilməsində uğurlu təcrübəyə malikdir.

“Report”un “BP-Azerbaijan” şirkətinə istinadən verdiyi məlumata görə, Xəzər dənizində dünya əhəmiyyətli layihələrini həyata keçirərkən şirkət öz işçi heyətinin milliləşdirilməsini və regiondakı əməliyyatlarına cəlb olunmuş işçi qüvvəsinin inkişafını ən prioritet məsələlərdən biri kimi daim diqqətdə saxlayır.

Qeyd olunanlara şirkətin regional rəhbərliyində əcnəbi kadrları əvəz edə biləcək yerli yüksək səviyyəli rəhbər işçilərin hazırlanması da daxildir.

Bu yaxınlarda daha iki yerli əməkdaşımız vitse-prezident vəzifəsinə təyin olunaraq regional rəhbər heyətə qoşulub.

Elnarə Məmmədova – Azərbaycan, Gürcüstan, Türkiyə (AGT) regionu və Rusiyada insanlar və korporativ mədəniyyət (əvvəllər insan resursları adlanırdı) üzrə vitse-prezident vəzifəsinə təyin edilib.

Bu vəzifədə E. Məmmədova BP-nin London ofisində təminat sistemləri, strategiya və dayanıqlı inkişaf, regionlar, şəhərlər və həll yolları üzrə baş vitse-prezident vəzifəsinə təyin olunmuş Nərminə Nəbiyevanı əvəz edib.

E. Məmmədovanın sənaye, insan resursları və insan ehtiyatlarının idarə edilməsi üzrə 20 ildən artıq peşəkar təcrübəsi var. O, insan resursları, mütəxəssis və biznes tərəfdaşlıq qruplarında bir sıra rəhbər vəzifələrdə çalışmış və ən son olaraq AGT regionunda qlobal əməliyyatlar təşkilatı üçün insan resursları üzrə menecer vəzifəsində işləyib.

E. Məmmədovanın Nottinqhem Trent Universitetindən bakalavr dərəcəsi və Azərbaycan Dillər Universitetindən magistr dərəcəsi var. O, həmçinin Personal və Kadr İnkişafı üzrə İxtisaslaşmış İnstitutun (Chartered Institute of Personnel and Development – “CİPD”) üzvüdür.

Aytən Ağalarova Gürcüstan üzrə vitse-prezident vəzifəsinə təyin edilib.

Bu vəzifədə A. Ağalarova bp-nin Gürcüstandakı baş nümayəndəsidir və bp-nin ölkədəki bütün biznes bölümləri adından hökumət orqanları ilə əlaqələr və xarici işləri idarə etməklə bp-nin strategiyasının həyata keçirilməsinə dəstək verir. Ağalarova bu vəzifədə Lightsource bp şirkətinə əməliyyatlar üzrə baş direktor vəzifəsinə təyin olunmuş Ann Deyvisi əvəz edib.

A.Ağalarovanın neft-qaz sənayesində 20 il iş təcrübəsi var. bp şirkətində işlədiyi 15 il ərzində o, qlobal əməliyyatlar, quyular və layihələr təşkilatlarına dəstək verməklə müxtəlif maliyyə, kommersiya, təchizat zənciri üzrə rəhbər vəzifələrdə çalışıb. Bu vəzifəyə təyin olunmazdan əvvəl, Aytən AGT regionu üzrə prezidentin icra aparatının rəhbəri olub.

Aytən neft mühəndisliyi və neft hüququ üzrə dərəcələrə, həmçinin “Warwick” Biznes Məktəbindən MBA dərəcəsinə malikdir.

Bundan başqa, şirkətdə son zamanlar baş verən struktur dəyişikliklər nəticəsində yerli vitse-prezidentlərin bəziləri indi daha geniş vəzifələr tutaraq bir neçə regiona cavabdehdirlər, bəzilərinə isə region daxilində daha yüksək vəzifə öhdəlikləri verilib.

Elxan Məmmədov AGT regionunda hasilat üzrə vitse-prezident təyin olunmuşdur. İndi o, regionda həm dəniz, həm də midstrim obyektlərinə cavabdehdir. E. Məmmədov Xəzər və Şimal dənizi regionlarında həm qurudakı sahələrdə, həm də dəniz qurğularında zəngin iş təcrübəsinə malikdir. Bu yeni genişlənmiş vəzifəsindən əvvəl o, qlobal əməliyyatlar təşkilatının tərkibində bir sıra rəhbər vəzifələrdə çalışıb.

Bəxtiyar Aslanbəyli Yaxın Şərq və Xəzər regionunda kommunikasiya və xarici əlaqələr üzrə vitse-prezident vəzifəsinə təyin edilib. Bu yeni genişlənmiş vəzifəsindən əvvəl, Bəxtiyar AGT regionunda kommunikasiya və xarici əlaqələrə görə cavabdeh idi. O, kommunikasiya və xarici əlaqələr, vergi və gömrük, etik normalar və tələblərə uyğunluq, habelə biznes xidmətləri kimi sahələrdə bir sıra rəhbər vəzifələrdə çalışıb.

Zaur Paşayev AGT və Asiya-Sakit okean regionlarında əməyin təhlükəsizliyi və əməliyyat risklərinin təmin edilməsi üzrə vitse-prezident vəzifəsinə təyin olunub. Z. Paşayev həm quruda, həm də dənizdəki obyektlərdə rəhbərlik və əməliyyatlar üzrə geniş təcrübəyə malikdir. Bu vəzifədən əvvəl Z. Paşayev midstrim əməliyyatları üzrə vitse-prezident işləmiş və AGT midstrim təşkilatının təhlükəsiz, etibarlı və səmərəli şəkildə fəaliyyət göstərməsinin təmin edilməsinə cavabdeh olub.

BP həmçinin son zamanlar bp-nin AGT regionu üzrə rəhbər heyətində baş vermiş digər dəyişikliklər haqqında da məlumat verib.

Tümkan Işıltan Co Mörfini əvəz edərək Türkiyə üzrə vitse-prezident vəzifəsinə təyin edilmişdir. Tümkan Türkiyədə və xarici ölkələrdə maliyyə, kommersiya və icra qruplarında müxtəlif vəzifələrdə çalışmışdır. Yeni vəzifəsində Tümkan bp-nin nüfuz məsələlərinin və hökumət və əsas maraqlı tərəflərlə olan əlaqələrinin idarə olunmasına, habelə bp-nin Türkiyədəki bütün əməliyyatlarının təhlükəsiz, etibarlı və tələblərə uyğun qaydada aparılmasının təmin olunmasına cavabdehdir.

Cim O’liəri Mayk Zəngini əvəz edərək AGT regionunda quyular üzrə vitse-prezident vəzifəsinə təyin edilib.

Cim qlobal miqyasda BP-nin həm quruda, həm də dənizdəki sahələrində qazma və tamamlama əməliyyatları üzrə müxtəlif vəzifələrdə çalışıb. Onun sonuncu vəzifəsi Afrika və Yaxın Şərq regionunda quyular üzrə vitse-prezident olub.

Kahal Kelli Yuan Drammondu əvəz edərək AGT, Rusiya, Misir və Omanda layihələr üzrə vitse-prezident vəzifəsinə təyin edilib. Kahal sualtı əməliyyatlar və layihələr bölmələrində bir sıra rəhbər vəzifələrdə çalışmışdır. Onun az karbonlu əməliyyatlara yönəlmiş dayanıqlı və inteqrasiyalı enerji şirkətinin perspektiv gündəliyini həyata keçirmək və dəyər formalaşdırmaq üçün təkmilləşdirilmiş proseslər vasitəsilə dünya səviyyəli müxtəlif layihə təşkilatlarının yaradılmasında zəngin təcrübəsi var.

Roşni Musai Brant Hasebeni əvəz edərək AGT və Rusiyada geologiya və işlənmə üzrə vitse-prezident vəzifəsinə təyin edilmişdir. Roşni yataqların işlənməsi bölməsində bir sıra rəhbər vəzifələrdə işləmişdir. Onun layların idarə olunması sahəsində, o cümlədən, mövcud yataqların işlənməsi proqramı, istismar müddəti boyunca yatağın işlənməsinin planlaşdırılması, məhsuldar laylardakı qeyri-müəyyənliklər və təsirazaltma tədbirlərinin formalaşdırılması, imkanların araşdırılması, habelə resurs və ehtiyatların hesablanması sahələrində zəngin təcrübəsi var.

Katerina Papaleksandri qaz və az karbonlu enerjinin inkişafı (Xəzər qaz inkişafı bölməsi) üzrə vitse-prezident vəzifəsinə təyin edilmişdir. Katerina şirkətdə bir neçə texniki və kommersiya vəzifələrində çalışmış və 2000-ci illərin əvvəllərindən etibarən müxtəlif qaz kommersiya məsələləri, o cümlədən, qaz satışları və nəqli üzrə danışıqlar və strategiyanın hazırlanması üzərində işləmişdir.

İvonn MakAllister Karolin Gilberti əvəz edərək AGT regionu üzrə baş hüquq müşaviri təyin edilmişdir. İvonn hüquq departamentində müxtəlif rəhbər vəzifələrdə çalışmışdır və yeni vəzifəsində AGT regionu üçün biznes yönümlü hüquq məsləhətlərinin verilməsinə cavabdehdir.

Tags: BP Azərbaycantəyinat

Eyni kateqoriyadan Digər materiallar

“Mərkəzi Azəri” platformasında hasilata başlanmasından 15 il ötür
Azərbaycan

“Dərinsulu Günəşli” hasilat platforması planlı profilaktika üçün dayandırılıb – BP

29/04/2024
“Dərinsulu Günəşli” platformasından 16 ilə nə qədər neft çıxarılıb?
Azərbaycan

“Dərinsulu Günəşli” platformasından 16 ilə nə qədər neft çıxarılıb?

22/04/2024
bp Azərbaycanda su təchizatının yaxşılaşdırılmasına dəstək verəcək
Azərbaycan

bp Azərbaycanda su təchizatının yaxşılaşdırılmasına dəstək verəcək

22/04/2024
İlham Əliyev bp-nin yeni baş icraçı direktorunu qəbul edib
Azərbaycan

İlham Əliyev bp-nin yeni baş icraçı direktorunu qəbul edib

13/03/2024
bp “Şəfəq” layihəsi üzrə Ətraf Mühitə və Sosial Sahəyə Təsirin Qiymətləndirilməsi sənədini hazırlayıb
Yaşıl enerji

bp “Şəfəq” layihəsi üzrə Ətraf Mühitə və Sosial Sahəyə Təsirə dair sənədin müzakirəsinə başlayır

04/03/2024
In 2023, condensate production at “Shah Deniz” field decreased by 2.8%
Azərbaycan

bp “Şahdəniz 2”-nin şimal-şərq cinahında hasilata başladı

27/02/2024
WTI Crude Price
Brent Crude Price

Azərbaycan

Brüsseldə Aİ-Azərbaycan Enerji Dialoqunun növbəti mərhələsi keçiriləcək

10/06/2025
Azərbaycan

Almaniyanın dövlət şirkəti 10 il Azərbaycandan qaz alacaq

10/06/2025
Azərbaycan

Avtonom modullu energetika RSE şirkəti tərəfindən Bakıda ilk dəfə təqdim edilib

04/06/2025
Azərbaycan

BP “Şəfəq-Asiman” qaz yatağında yeni quyu qazmağı planlaşdırır

04/06/2025
Azərbaycan

“Azneft” bu il “Neft Daşları”nda 1,2 milyon ton neft çıxarmağı hədəfləyib

04/06/2025
Azərbaycan

“TotalEnergies”: Azərbaycanda dünyada ilk dəfə…

04/06/2025
Azərbaycan

Laçında “Aşağı Malıbəyli” və “Mirik” kiçik su elektrik stansiyaları istismara verilib

27/05/2025
Azərbaycan

Maliyyə naziri Azərbaycana benzin idxalının artmasının səbəbini açıqlayıb

27/05/2025
Azərbaycan

“La Repubblica”: Azərbaycan İtaliyadakı neft emalı zavoduna maraq göstərir

27/05/2025
Azərbaycan

SOCAR-ın idxal etdiyi Aİ-92 benzini və dizel yanacağı üçün yuxarı hədd müəyyən edilib

26/05/2025

No Result
View All Result
  • Azərbaycan
  • English
  • Русский
  • Azərbaycan
  • Rusiya
  • Qazaxıstan
  • Türkmənistan
  • İran
  • Maraqlı Xəbərlər
  • Vakansiya
  • Yaşıl enerji
  • Əlaqə

© 2014 - 2024 CaspianBarrel - Xəzərin neft və qaz xəbələri.

Caspian Barrel saytında vakansiyalarla bağlı elan yerləşdirmək istəyənlərin nəzərinə!

Bunun üçün Axundov Ceyhunla əlaqə saxlamağınız xahiş olunur.

Əlaqə üçün (+994-50) 213-8932 nömrəli telefona zəng edə və [email protected] elektron poçtuna yaza bilərsiniz.