Külək elektrik stansiyası layihəsinin icrası üçün müqavilə 3 may tarixində Özbəkistan Energetika Nazirliyi, İnvestisiya və Xarici Ticarət Nazirliyi və Səudiyyə Ərəbistanının ACWA Power enerji şirkəti arasında imzalanıb.
Caspian Barrel Özbəkistan Energetika nazirliyinin mətbuat xidmətinə istinadən xəbər verir ki, layihə Qaraqalpaqlstanda 1500 MVt gücündə bir külək elektrik stansiyasının layihələndirilməsi, inşası və istismarını nəzərdə tutur. Bu layihə istismara veriləndən sonra Mərkəzi Asiyada alternativ energetika sayəsində ən iri layihə olacaq.
“ACWA Power-in icra edəcəyi layihə alternativ enerjinin inkişafına böyük töhfə verəcəkdir. Planımız 2030-cu ilə qədər bərpa olunan enerji mənbələrindən elektrik enerjisinin 25 faizini istehsal etməkdir”, deyə Özbəkistan Energetika nazirinin müavini Şerzod Xocayev imzalanma mərasimində bildirib.
Layihənin təxminən 4 milyon ailə təsərrüfatının elektrik enerjisinə olan tələbatını ödəməsi və ildə təxminən 2,5 milyon ton karbon dioksidin qarşılanacağı gözlənilir.
Qeyd edək ki, ACWA Power şirkəti bu ilin əvvəlində imzalanan Buxara və Nəvai şəhərlərində ümumi elektrik enerjisi istehsalı gücü 1000 MVt olan iki külək enerjisi layihəsinin investorudur. Bundan əlavə, Səudiyyə şirkəti Sırdəryada 1500 MVt gücündə yüksək səmərəli qazla işləyən istilik elektrik stansiyasının inşası üçün bir layihə də həyata keçirir.
