Özbəkistanın Ali Məclisinin (parlamenti) qanunvericilik Palatasının deputatları mayın 18-də keçirilən iclasında ölkənin Vergi Məcəlləsinə dəyişikliklər edilməsi barədə qanun layihəsini konseptual olaraq birinci oxunuşda qəbul edilbər.
Caspian Barrel bu barədə Özbəkistan parlamentinin mətbuat xidmətinə istinadən məlumat verir.
Sənəd Özbəkistan ərazisində elektrik mühərrikli nəqliyyat vasitələrinin alınması və ya idxalı zamanı qanunvericilikdə nəzərdə tutululan ödənişlərdən azad edilməni nəzərdə tutur.
Qeyd edək ki, qanun layihəsi parlamentə Özbəkistan Maliyyə nazirliyi tərəfindən təqdim edilib.
Özbəkistan Dövlət Statistika Komitəsinin məlumatına görə, 2020-ci ildə ölkəyə ümumilikdə 2,9 milyon dollar dəyərində 131 elektrikli nəqliyyat vasitəsi idxal edilib. Bu ilin yanvar-fevralında isə artıq 85 elektrikli nəqliyyat vasitəsi gətirilib.
Həmçinin Özbəkistanda elektrikli nəqliyyat vasitələrinin istehsalı planlaşdırılır – “Uzavtosanoat” şirkəti mart ayında elektrikli avtomobillərin 2025-ci ilə qədər istehsalına başlanması ilə bağlı planlarını hökumətə açıqlayıb.
