Təbii qaza olan tələbatını əsasən idxal hesabına təmin edən Gürcüstan 2021-ci ildə qazın ölkəyə idxal həcmini 6,8% – 2 milyard 729,8 milyon kubmetrə qədər artırmaq niyyətindədir
Gürcüstan İqtisadi İnkişaf Nazirliyinin təsdiq etdiyi 2021-ci il üçün təbii qaz balansına əsasən, Azərbaycan təbii qazın əsas tədarükçüsü olaraq qalır.
Azərbaycandan 2 milyard 518,7 milyon kubmetr qaz alınması nəzərdə tutulur ki, bu da 2020-ci illə müqayisədə 8,1% çoxdur.
O cümlədən, SOCAR-dan 1 milyard 504 milyon kubmetr (artım 4,4%), “Şahdəniz” layihəsi çərçivəsində isə 1 milyard 14,7 milyon kubmetr (artım 14,2%) qaz alınması planlaşdırılır.
Qeyd edək ki, Gürcüstanın Azərbaycandan qaz idxalı 2007-ci ildəb başlayıb və hazırda Azərbaycan Gürcüstanın qaza olan tələbatının 94-95%-ni ödəyir.
