“Azərbaycan hökumətinin OPEC+ çərçivəsində hasilatın azaldılması öhdəliklərini bölüşmüşük. Bu öhdəlikləri yerinə yetirməyə davam edəcəyik”.
“Report” xəbər verir ki, bunu Beynəlxalq Münasibətlərin Təhlili Mərkəzinin (BMTM) təşkil etdiyi “Post-COVID-19 dövründə enerji məsələləri” adlı vebinarda BP şirkətinin Azərbaycan, Gürcüstan, Türkiyə regionunda xarici əlaqələr və strategiya üzrə vitse-prezidenti Bəxtiyar Aslanbəyli bildirib.
Qeyd edək ki, Azərbaycanın OPEC+ öhdəliyinə görə, cari ilin may-iyun-iyul aylarında xam neft istehsalı sutkada 164 min barel azaldılaraq554 min barel həcmində olmalıdır. BP-nin operatoru olduğu “Azəri-Çıraq-Günəşli” yataqlar (AÇG) blokunda isə gündəlik hasilat 434 min barel həcmində saxlanılmalıdır.
B.Aslanbəyli həmçinin BP-nin Azərbaycanda operatoru olduğu layihələrdə işlərin qrafikə uyğun davam etdirildiyini qeyd edib.
“Şəfəq-Asiman” strukturunda ilk kəşfiyyat quyusu qazılır. Bu ilin sonuna qədər bu quyunun qazıntısının tamamlanması planlaşdırılır. D230 blokunda 3-ölçülü seysmik tədqiqat işləri yekunlaşıb. Hazırda əldə olunmuş məlumatlar emal olunur.
“Dayazsulu Abşeron” layihəsi də qrafikə uyğun yerinə yetirilməkdədir. Ümumilikdə Xəzər dənizindəki bütün layihələrimizdə işlər qrafik üzrə yerinə yetirilir”, – “BP-Azerbaijan”ın vitse-prezidenti əlavə edib.Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.
