2007-ci ildən bu il aprelin 1-dək Azərbaycan Respublikası Dövlət Neft Fondunun (ARDNF) “Şahdəniz” yatağı üzrə təbii qazın satışından əldə etdiyi gəlirlər 2 milyard 834 milyon dollar olub.
Bu barədə AZƏRTAC-a ARDNF-in İctimaiyyətlə əlaqələr departamentindən bildirilib. Qeyd olunub ki, cari ilin yanvar-mart aylarında Neft Fondunun “Şahdəniz” üzrə kondensatın satışından əldə olunan gəlirləri isə 100 milyon dollar təşkil edib.
