Azərbaycan Dövlət Neft Fondu (ARDNF) 2024-cü ilin fevral ayında valyuta hərraclarında $920,5 milyon məbləğində xarici valyuta satıb.
Bu barədə “İnterfaks-Azərbaycan” agentliyinə fonddan məlumat verilib.
Xəbər verildiyi kimi, ARDNF 2024-cü ilin yanvar ayında $417 milyon məbləğində xarici valyuta satıb. Beləliklə, fevralda xarici valyuta satışının həcmi 2,2 dəfə artıb.
“İnterfaks-Azərbaycan” agentliyinin fondun aylıq məlumatları əsasında apardığı hesablamalara görə, 2024-cü ilin yanvar-fevral aylarında ARDNF valyuta hərraclarında $1 milyard 337,5 milyon məbləğində xarici valyuta (2023-cü ilin yanvar-fevral ayları ilə müqayisədə artım 2,5 dəfə – İF) satıb.
Azərbaycan Dövlət Neft Fondu 2023-cü ildə valyuta hərraclarında $2 milyard 689,4 milyon məbləğində xarici valyuta (2022-ci illə müqayisədə azalma 42,6%) satıb.
Hazırda ARDNF valyuta hərraclarında valyutanın əsas satış mənbəyi kimi çıxış edir.
