2019-cu ildə Gürcüstan ərazisində boru kəmərləri ilə dünya bazarına neft tranziti 264,3 milyon barrel təşkil edib, bu da 2018-ci ilin göstəricisindən 6,6% azdır. Bu barədə “Gürcüstan neft və qaz korporasiyası” SC (GOGS) məlumat verib.
Ötən ilin dördüncü rübündə neft tranziti üçüncü rüb ilə müqayisədə 1,4% artıb, 2018-ci ilin dördüncü rübü ilə müqayisədə isə 9,4% – 65,6 milyon barrelədək azalıb.
Azərbaycandan Bakı-Tbilisi-Ceyhan əsas ixrac boru kəməri ilə Türkiyə istiqamətində 235,7 milyon barrel neft nəql olunub (azalma 7,7%).
