Türkiyə Nazirlər Kabineti “Türk axını” boru kəmərinin inşası çərçivəsində həyata keçiriləcək işlər üçün vergi güzəştləri tətbiq edib.
“Report” xəbər verir ki, bu barədə “Resmi Gazete”də məlumat yayılıb.
Sənədə əsasən, Türkiyənin Qara dənizdəki Xüsusi İqtisadi Zonada layihənin reallaşmasını həyata keçirən şirkətlər vergitutmadan azad edilib. Layihə işləri və hüquqi xidmətlər ƏDV-dən azad olunub.
Nəqliyyat vasitələrinə, gəmilərə, boruların və digər materialların, avadanlıqların və ehtiyat hissələrinin tədarükünə vergi və gömrük güzəştləri tətbiq edilib.
