Neft Fondu hərraclarda valyuta satışını getdikcə azaldır

Neft Fondu ilin əvvəlindən valyuta hərraclarında artıq 1 milyard dollardan artıq vəsait satıb

Azərbaycan Respublikası Dövlət Neft Fondu (ARDNF) tərəfindən valyuta hərraclarında 2017-ci ilin aprel ayı ərzində 220,8 milyon ABŞ dolları məbləğində vəsait satılıb.

Bbu barədə ARDNF-in mətbuat xidmətinin açıqladığı məlumatda bildirilib.

Caspian Barrel qeyd edir ki, cari ilin ilk dörd ayında Neft Fondu valyuta hərraclarında 1 milyard 14,2 milyon dollar məbləğndə valyuta satıb.

Aylar	Satışa çıxarılan valyuta həcmləri (mln $)
Yanvar	285,0
Fevral	258,4
Mart	250,0
Aprel	220,8
Cəmi	1 014,2

Cədvəldən göründüyü kimi, Dövlət Neft Fondu tərəfindən valyuta hərraclarında satışın pik həddi yanvar ayına təsadüf edib. Sonrakı aylarda satış həcmləri get-gedə azalıb.