Naxçıvan Dövlət Energetika Xidmətində ötən il görülmüş işlərin müzakirəsi ilə bağlı kollegiya iclası keçirilib.
Xidmətin rəisi Namiq Paşayev bildirib ki, 2023-cü ildə enerji mübadiləsi çərçivəsində İran İslam Respublikasından (İİR) 32 milyon 714 min kVt/s elektrik enerjisi idxal edildiyi halda 33 milyon 341 min kVt/s elektrik enerjisi İİR-ə ixrac edilib.
Ötən il Naxçıvan Muxtar Respublikasının elektrik stansiyalarında 474 milyon 569 min 561 kVt/s elektrik enerjisi istehsal edilib:
İstilik Elektrik stansiyaları – 319 mln 662 min 137 kVt/s (istehsal edilən enerjinin 67,36 %-i)
Su Elektrik stansiyaları – 94 mln 390 min 716 kVt/s (19,89 %-i)
Günəş Elektrik Stansiyaları – 60 mln 516 min 708 kVt/s (12,75 %-i)
2023-cü ildə ümumilikdə alternativ və bərpaolunan enerji mənbələrində 154 milyon 907 min 424 kVt/s elektrik enerjisi istehsal edilib ki, bu da sistemə ötürülən ümumi enerjinin 32,64 %-ini təşkil edib.
2023-cü il ərzində Naxçıvan Muxtar Respublikasının elektrik şəbəkələrinə 507 milyon 283 min 561 kVt/s elektrik enerjisi daxil olub:
Araz SES-dən – 46 mln 411 min 416 kVt/s
Biləv SES-dən – 26 mln 560 min 700 kVt/s
“Arpaçay-1” SES-dən – 19 mln 120 min 300 kVt/s
“Arpaçay-2” SES-dən – 327 min 400 kVt/s
H.Əliyev Su Anbarı SES-dən – 1 mln 970 min 900 kVt/s
Naxçıvan Modul Elektrik Stansiyasından – 318 mln 254 min kVt/s
Naxçıvan Qaz-Turbin Elektrik Stansiyasından – 1 mln 408 min 137 kVt/s
Naxçıvan Günəş Elektrik Stansiyasından – 60 mln 516 min 708 kVt/s
İran İslam Respublikasından – 32 mln 714 min kVt/s
Xidmət rəisi diqqətə çatdırıb ki, ötən il Şərur rayonunda gücü 8 MVt olan Günəş Elektrik Stansiyasının ərazisində daha 3 MVt gücü olan günəş panelləri quraşdırılıb.
2023-cü ilin yekunlarına əsasən, Naxçıvan Muxtar Respublikasındakı elektrik stansiyalarının ümumi generasiya gücü 244,8 MVt-a, Günəş Elektrik stansiyalarının ümumi gücü 39 meqavata çatdırılıb.
Naxçıvan Muxtar Respublikasının Dövlət Energetika Xidməti elektrik enerjisinin istehsalı, ötürülməsi, paylanması, satışı, enerji haqlarının mövcud tarif qiymətinə uyğun olaraq yığılması və elektrik stansiyalarının, yarımstansiyaların vahid mərkəzdən dispetçer idarəetməsini həyata keçirir.
