Avropa Yenidənqurma və İnkişaf Bankı (AYİB) Azərbaycanda fəaliyyət göstərən yarımstansiyalarda gücləndirmə işləri üçün avtotransformator avadanlığının alınması üçün $30 milyon məbləğində kredit ayıracaq.
“İnteraks-Azərbaycan” AYİB-ə istinadən xəbər verir ki, borcalan qismində Maliyyə Nazirliyi, layihənin icraçı qurumu qismində “Azərenerji” çıxış edir.
Layihə “Azərenerji”nin 4 yarımstansiyası üçün avtotransformator avadanlığının alınmasını nəzərdə tutur. “Layihə Azərbaycanda bərpa olunan enerji imkanlarının inteqrasiyası üçün tələb olunan enerji sisteminin çevikliyini təkmilləşdirməyə kömək edəcək. Layihənin uğurla həyata keçirilməsi ölkədə bərpa olunan enerji layihələrinin inteqrasiyası üçün vacib olan şəbəkələrin möhkəmləndirilməsi üzrə gələcək layihələrə nümunə olacaq”, – AYİB qeyd edir.
Bütövlükdə, layihə «yaşıl» keçidin keyfiyyətinin artırılmasına da kömək edəcək.
«Bu layihə AYİB-in enerji sisteminin modernləşdirilməsinə yönəldilmiş, enerji sisteminin çevikliyini artırmaq və Azərbaycanda bərpa olunan enerji güclərinin inteqrasiyası üçün zəruri ilk layihəsi olacaq», – AYİB qeyd edir.
Məlumata görə, Bankın Direktorlar Şurası sözügedən kreditin Azərbaycana verilməsini 2024-cü il mayın 1-də təsdiq etməyi planlaşdırır.
Azərbaycan 1992-ci ildən AYİB-in üzvüdür. AYİB bu günədək respublikada 189 layihənin maliyyələşdirilməsi üçün 3,7 milyard avro kredit ayırıb. 2023-cü il dekabrın 31-nə bankın Azərbaycandakı 31 layihə üzrə cari portfeli 897 milyon avro təşkil edir.
