Rusiyadan Ermənistana tədarük olunan təbii qazın qiyməti 2024-cü ildə dəyişməyəcək, deyə Ermənistan baş nazirinin müavini Mher Qriqoryan bildirib.
“Hazırda bizdə dəqiq məlumat var ki, 2024-cü ildə Gürcüstan-Ermənistan sərhədində təhvil verilmək şərti ilə Rusiya qazının qiyməti dəyişməyəcək və əminəm ki, nəql tarifi də dəyişməyəcək”, – Qriqoryan bildirib.
Onun sözlərinə görə, “Gazprom Armenia” şirkəti artıq “Gazprom” ilə 2024-cü il üçün qaz alqı-satqısına dair müqavilə bağlayıb ki, bu da “qiymət dəyişikliyini nəzərdə tutmur”.
Qeyd edək ki, 2023-cü ildə Ermənistan Rusiya qazının min kubmetrini 165 dollardan alır.
Ermənistan nə qədər qaz idxal edir?
2022-ci ildə Ermənistan təbii qaz idxalını 6,4% artırıb – 2 milyard 965 818,1 min kubmetrə çatdırıb. İdxal olunan təbii qazın gömrük dəyəri isə 9,6% artaraq 504,8 milyon dollar təşkil edib. Bu faktlar öz məksini Ermənistan Gömrük Xidmətinin ötən ilin yekunlarına dair hesabatında əks edilib.
Ermənistan təbii qazı ənənəvi olaraq Rusiya Federasiyasından (87,7%) və İrandan (12,1%) təbii qaz idxal edir.
2022-ci ilin yekunlarına əsasən, Ermənistanın Rusiyadan idxal etdiyi təbii qazın həcmi 2 milyard 599 599,8 min kubmetr olub ki, bu da 2021-ci ilin göstəricilərindən 6,1% çoxdur. Gömrükdə bəyan edilmiş məlumatlara görə isə Rusiyadan idxal olunan qazın dəyəri il ərzində 9,7% artaraq 443,2 milyon dollar təşkil edib.
İrandan ötən il idxal olunan təbii qazın həcmi 7,9% artaraq 366 218,4 min kubmetrə, gömrük dəyəri isə 8,8% artaraq 60,9 milyon dollara çatıb.
Ermənistan həmçinin maye qaz (LPG) idxal edir. Rəsmi statistikaya görə, maye qazın tədarükü 2022-ci ildə 22,7% artaraq 90 257,6 tona, gömrük dəyəri isə 28,2% artaraq 37,6 milyon dollara çatıb.
Maye qaz Ermənistana Rusiyadan (90,3%), İrandan ( 9,2%), İraq (0,5%) cə kiçik partiyalarla hətta BƏƏ, Yunanıstan, Türkiyə, Koreya Respublikası, İtaliya və Almaniyadan tədarük edilib.
