2023-cü ilin avqust ayında Azərbaycanda gündəlik 500 min barel neft hasil olunub. “İnterfaks-Azərbaycan” agentliyi bu barədə “Platts”ın məlumatları əsasında tərtib olunmuş “S&P Global Commodity Insights”ın icmalına istinadən xəbər verir.
OPEC+ əməkdaşlığı çərçivəsində Azərbaycanın avqust ayı üçün gündəlik xam neft hasilatı üzrə kvotası 684 min barel təşkil edib.
Beləliklə, Azərbaycan avqustda OPEC+ kvotasından 184 min barel geri qalıb.
Azərbaycan Energetika Nazirliyi 2023-cü ilin avqust ayında ölkədə neft hasilatı ilə bağlı məlumatı hələ təqdim etməyib.
