2023-cü il I rübün yekunlarına əsasən, Azərbaycan Respublikası Dövlət Neft Fondunun aktivləri 9% artaraq $53 milyard 437,6 milyon təşkil edib.
Fondun yaydığı məlumata görə, hesabat dövründə Neft Fondunun gəlirləri 7 milyard 643,3 milyon manat, xərcləri isə 1 milyard 584,3 milyon manat təşkil edib.
Neft Fondu mənfəət neftinin və qazın satışından 4 milyard 829,9 milyon manat, neftin Azərbaycan ərazisindən daşınmasına görə 0,8 milyon manat, bonus ödənişlərindən 765,3 milyon manat, akrhesabı ödənişlərdən isə 5,6 milyon manat gəlir əldə edib.
Bu müddətdə Neft Fondu vəsaitlərin idarə olunmasından 2 milyard 47,3 milyon manat qazanıb.
Valyuta məzənnələrinin dəyişməsindən yaranan fərq ilə əlaqədar Neft Fondu əlavə 1 milyard 427,6 milyon manat qazancmağa nail olub.
Xərclərə gəldikdə isə Neft Fondundan rüb ərzində 1 milyard 576 milyon manat vəsait dövlət büdcəsinə köçürülüb.
“2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı”nın maliyyələşməsinə 1,2 milyon manat, “Gənclərin xarici ölkələrin nüfuzlu ali təhsil müəssisələrində təhsil almalarına dair 2022–2026-cı illər üçün Dövlət Proqramı” nın maliyyələşməsinə 2 milyon manat yönəldilib.
Neft Fondunun idarə edilməsinə 5,1 milyon manat xərclənib.
Caspian Barrel
