Avropa qaz anbarlarını 84% doldurub, lakin bu, qışdan çıxmağa kifayət deyil

Avropa Komissiyasının rəhbəri Ursula fon der Leyen bu gün bildirib ki, Aİ ölkələrində qaz anbarları 84% doldurulub, lakin bu, Rusiyanın enerji daşıyıcılarından asılılıq problemini həll etmək üçün kifayət deyil.

“Biz bu cür asılılıqdan qurtulmalıyıq. Bizim qaz anbarlarımız 84% doludur. Bu, yaxşıdır, lakin istilik mövsümünü başa problemsiz başa çatdırmaq üçün kifayət deyil”, – deyə o, Avropa Parlamentində çıxışı zamanı bəyan edib.

Fon der Leyen izah edib ki, “qaz bazarında qiymət manipulyasiyasına” qarşı mübarizə aparmaq zəruridir. O, həmçinin Aİ ölkələrini elektrik enerjisi istehlakını azaltmağa çağırıb. Avropa Komissiyasının sədri üçün başqa bir prioritet elektrik enerjisi istehlakçılarına hədsiz dərəcədə artan ödənişlərin ödənilməsində kömək etməkdir.

O, enerji sahəsində hidrogenə böyük ümidlər bağladığını da bildirib. “Hidrogen Avropanı dəyişə bilər”, – deyə Fon der Leyen bəyan edib. Avropa Komissiyasının rəhbəri növbəti dəfə 2030-cu ilə qədər Aİ-də 10 milyon ton hidrogen istehsalının nəzərdə tutulduğu planı açıqlayıb.

Caspian Barrel