Aİ 2035-ci ildən daxili yanma mühərrikli avtomobillərdən imtina edəcək

Avtomobil bazarında artıq elektrik avtomobillərinin satışlarının təxminən 80%-ni təşkil edən Avropa İttifaqı (Aİ) üzvü olmayan Norveç 2025-ci ildə daxili yanma mühərrikli yeni minik avtomobillərinə qadağa ilə bağlı qərar verib. 2030-cu ildə Aİ üzvləri Danimarka, İrlandiya, Hollandiya, Sloveniya və İsveç, eləcə də İslandiya da belə avtomobillərin satışını qadağan edəcək.

Caspian Barrel Avropa Şurasının saytına istinadən xəbər verir ki, Avropa İttifaqında daxiliyanma mühərrikli yeni avtomobillərin satışı 2035-ci ildə başa çatmalıdır. Avropa İttifaqı Şurası 2035-ci ildən etibarən maye yanacaqla (benzin, dizel və qaz) işləyən avtomobillərin satışının dayandırılması təşəbbüsü ilə razılaşıb.

“Şura 2030-cu ilə qədər CO2 azaldılması hədəflərini minik avtomobilləri üçün 55%-ə, yük maşınları üçün isə 50%-ə çatdırmağa razılaşıb. Şura həmçinin yeni avtomobillər üçün 2035-ci ilə qədər karbon qazı emissiyalarının 100% azaldılması hədəfinin tətbiqini təsdiqləyib”, – Aİ Şurasının bəyanatında deyilir.

Təsdiqlənmiş təşəbbüsə əsasən, 2035-ci ildən Aİ-də yalnız karbon qazı istehsal etməyən avtomobillər satılacaq. Yeni maşınlar üçün əsas tələb sıfır emissiya ilə, yəni ya daxili yanma mühərriki əvəzinə elektrik mühərriki ilə, ya da hidrogen kimi karbonsuz yanacaqlarla işləməkdir.

İndi söhbət yalnız daxiliyanma mühərrikli yeni avtomobillərin qadağan edilməsindən gedir. İşlənmiş daxili yanma mühərrikli avtomobillərinin satışının dayandırılması da müzakirə olunur, lakin hələlik bu məsələ ilə bağlı razılıq əldə olunmayıb.

Daxili yanma mühərrikli avtomobillərinin satışının qadağan edilməsi 2050-ci ilə qədər iqlimə uyğun olmayan iqtisadiyyata nail olmağa kömək edəcək tədbirlərdən yalnız biridir. Bununla belə, bu addım CO2 emissiyalarını azaltmaq üçün nəzərdə tutulmuş Aİ-nin iqlim strategiyasında ən əhəmiyyətli addımdır.

Öz növbəsində “Deutsche Welle” (Alman radiosu) bildirir ki, transmilli “Stellantis” konserni 2024-cü ildən dünya bazarını İtaliyanın “Lancia” brendinin eksklüziv elektrik modelləri ilə təmin etmək niyyətindədir.

Britaniyanın “Jaguar” şirkəti 2025-ci ildən yalnız elektromobillər istehsal edəcək. Stellantis-in bir hissəsi olan İtaliyanın “Fiat” şirkəti 2027-ci ildən Avropada yalnız elektrik avtomobilləri satmağa hazırlaşır, konsernin digər brendi – Almaniyanın “Opel” markası da 2028-ci ildə belə bir addım atmağa hazırlaşır. Almaniyanın “BMW” konserninin Britaniyadakı törəmə şirkəti olan “Rolls-Royce” 2030-cu ildə eksklüziv elektrik avtomobillərinin istehsalına keçəcək, elə həmin ildə “Volvo” nəhayət daxili yanma mühərrikindən imtina edəcək.