Böyük Britaniyanın «Aquaterra Energy» şirkəti (offşor enerji üçün mühəndis həlləri sahəsində dünya lideri) Xəzər dənizinin Azərbaycan sektorunda “Babək” strukturunda kəşfiyyat quyusunun qazılması məqsədilə “Umid Babek Operating Company” (UBOC) üçün dirək tədarük edəcək.
«Aquaterra Energy» “Babək” yatağında BX-01 kəşfiyyat quyusunun qazılması proqramı çərçivəsində UBOC üçün yüksək təzyiq və temperaturlu (HPHT) sualtı dirəyin inşasına dair müqavilə əldə edib. «Aquaterra Energy» tam müstəqil dirək sistemi və OEM konnektorları təqdim edcək, hansılar ki, dənizin 62 metr dərinliyində özüqalxan qazma qurğusu (MODU) vasitəsilə istismar ediləcək”, – “İnterfaks-Azərbaycan” agentliyi “Aquaterra Energy” şirkətinə istinadən məlumat verir.
Şirkətin məlumatına görə, “Aquaterra Energy”nin mühəndis-ekspertlərindən ibarət komanda UBOC-a işlərin maksimum təhlükəsiz və effektivliyini təmin etmək məqsədilə yarımdalma qazma qurğusu əvəzinə özüqalxan qazma qurğusundan isitifadə etməyi tövsiyyə edib.
“Yarımdalma qazma qurğuları daha artıq müddətdə hərəkətsiz qala bilərlər və daha az dərinlikdə özüqalxan qurğunun istifadsindən fərqli olaraq, həmin əməliyyatın icrası üçün 20%-dək əlavə zaman tələb oluna bilər”, – məlumatda deyilir.
“BUBOC ilə bu laiyhə üzərində işləməkdən və həmçinin Azərbaycanda HPHT dirəklər sahəsində təcrübəmizi nümayiş etdirməkdən sevinc hissi duyuruq. Ətraflı düşünülmüş mühəndis həlləri, həmçinin karbonsızlaşdırılmsı üzrə səylərin dəstəklənməsi məqsədilə komandamizinböyük potensialını bunda görürük”, – məlumatda “Aquaterra Energy”nin innovasiyalar üzrə direktoru Ben Kannellin sözlərindən sitat gətirilir.
“Bu layihə ilə bağlı “Aquaterra”nın daimi məsləhətləşmələri adətən istifadə etmədiyimiz variantları öyrənməyə bizə imkan verdi. Ekoloji amilləri nəzərə alaraq, birlikdə biz vaxtında işi görə biləcəyik. Komandanın innovativ yanaşması bu layihə mümkün etmək üçün vacib rol oynayıb və biz əməkdaşlığımızın davam edəcəyinə ümid edirik”, – UBOC qeyd edir.
Xəbər verildiyi kimi, “Babək” strukturunda BX-01 axtarış-kəşfiyyat quyusunun qazılması üçün “Satti” özüqalxan qazma qurğusundan istifadə olunacaq. “Babək” strukturunun dayazsulu hissəsində dənizin 62 metr dərinliyində axtarış-kəşfiyyat işlərinin aparılması üçün mühəndis geoloji-geotexniki tədqiqatlar aparılıb, zəruri avadanlığın alınması prosesi davam etdirilir.
SOCAR-ın məlumatına görə, BX-01 quyusunda qazma işlərinin nəticələrinə əsasən Babək strukturunun dayazsulu hissəsinin işlənməsi planı və dərinsulu hissədə kəşfiyyat işlərinin planı hazırlanacaq.
Xəzər dənizinin Azərbaycan sektorunda “Ümid” yatağının və “Babək” perspektiv strukturunun daxil olduğu dəniz blokunun kəşfiyyatı və işlənməsi haqqında” Risk Xidmət Sazişi 2017-ci il yanvarın 12-də SOCAR ilə “SOCAR Umid Oil&Gaz Ltd.” şirkəti arasında imzalanıb və may ayında qüvvəyə minib.
“Ümid-Babək” perspektiv bloku Xəzərin Azərbaycan sektorunun dərinsulu hissəsində, Bakıdan 75 km məsafədə yerləşir. “Ümid” yatağının ehtiyatları ən azı 200 milyard kubmetr qaz və 30 milyon ton kondensat, “Babək” strukturunun ehtiyatları isə 400 milyard kubmetr qaz və 80 milyon ton kondensat həcmində qiymətləndirilir.
2019-cu ilin fevral ayında Qazaxıstanın “KazMunayQaz” şirkəti “Satti” özüqalxan üzən qazma qurğusunun SOCAR-a etibarlı idarəetməyə verilməsi ilə bağlı razılığa gəlib, iyunda qurğu Bakıya gətirilib.
