2022-ci ilin birinci rübündə “Azəri-Çıraq-Günəşli” (AÇG) yataqlar blokundan orta gündəlik neft hasilatı 434 min barel təşkil edib.
Caspian Barrel “bp-Azərbaycan” şirkətinin rüblük hesabatına istinadən xəbər verir ki, 2021-ci ilin birinci rübündə bu göstərici 484 min barel olmuşdu.
AÇG-dən orta gündəlik neft hasilatının pik dövrü isə 2010-cu ilin III rübünə təsadüf etmişdi – 835,1 min barel.
2021-ci ildə “Çıraq” platformasından 25 min barel (2021-ci ilin birinci rübündə 30 min barel), “Mərkəzi Azəri” platformasından 106 min barel (112 min barel), “Qərbi Azəri” platformasından 112 min barel (130 min barel), “Şərqi Azəri” platformasından 70 min barel (79 min barel), “Dərinsulu Günəşli” platformasından 79 min barel (89 min barel), “Qərbi Çıraq” platformasından 42 min barel (44 min barel) neft hasil edilib.
Beləliklə, hazırda AÇG-də istismar edilən 6 hasilat platformasından ən yüksək məhsuldarlıq “Qərbi Azəri” platformasında (2005-ci il dekabrından istismar edilir) qeydə alınıb. Ən aşağı hasilat isə 1997-ci ildən fəaliyyət göstərən “Çıraq” platformasındadır.
