2022-ci ilin I rübündə “Azeri Light” markalı neftin bir barelinin orta qiyməti CIF müqavilələr üzrə $102,68 təşkil edib. Bu barədə “İnterfaks-Azərbaycan” agentliyinə SOCAR-ın vitse-prezidentinin müavini, mətbuat katibi İbrahim Əhmədov məlumat verib.
Xatırladaq ki, 2021-ci ilin yanvar-mart aylarında “Azeri Light” markalı neftin bir barelinin orta ixrac qiyməti $61,6 təşkil etmişdi.
Beləliklə, Azərbaycan neftinin qiyməti ötən ilin müvafiq dövrü ilə müqayisədə $41,08 və ya 1,7 dəfə artıb.
Azərbaycanın 2022-ci il dövlət büdcəsində bir barel neftin orta qiyməti 50 ABŞ dollarına bərabər müəyyənləşdirilib.
2021-ci ildə “Azeri Light” markalı neftin bir barelinin orta qiyməti $71,6 (2020-ci ildə $43,7) təşkil edib.
Azərbaycan neftinin bir barelinin ən ucuz qiyməti 2020-ci il aprelin 21-də $15,81 səviyyəsində, ən yüksək qiyməti isə 2008-ci ilin iyulunda $149,66 səviyyəsində qeydə alınıb.