Azeri Light” markalı neftin bir barelinin qiyməti $1,35 – $85,57-dək bahalaşıb. Bu barədə “İnterfaks-Azərbaycan” agentliyinə neft bazarındakı mənbə məlumat verib.
““Azeri LT CIF” markalı neftin bir barelinin qiyməti $1,35 və ya 1,6% bahalaşaraq $85,57 təşkil edib”, – mənbə bildirib.
“Azeri Light” markalı neftin bir barelinin qiyməti sonuncu dəfə 2021-ci ilin oktyabr ayında $85 təşkil etmişdi.
Digər neft növlərinin qiyməti dəyişdikdə, Azərbaycanın yüngül neftinin də qiyməti dəyişir. “Azeri Light” nefti yüngül və aşağı kükürdlü növə aid olduğu üçün onun bir bareli “Brent” markalı neftə nisbətən premiya ilə satılır və qiyməti daha bahadır.
Ötən gün “Brent” markalı neftin bir bareli $81,99 olub.
Azərbaycanın 2022-ci il dövlət büdcəsində bir barel neftin orta qiyməti 55 ABŞ dollarına bərabər götürülüb.
Azərbaycan neftinin bir barelinin ən ucuz qiyməti 2020-ci il aprelin 21-də $15,81 səviyyəsində, ən yüksək qiyməti isə 2008-ci ilin iyulunda $149,66 səviyyəsində qeydə alınıb.
2021-ci ildə “Azeri Light” markalı neftin bir barelinin qiyməti $71,6 (hər barel üçün $43,7) təşkil edib.
