Azərbaycan qazının Bolqarıstana nəqlini nəzərdə tutan Yunanıstan-Bolqarıstan interkonnektorunun (IGB) tikintisi layihəsinin operatoru “ICGB AD” şirkəti ətraf mühitə təsirin qiymətləndirilməsinə uyğun olaraq qaz kəmərinin marşrutunda bir sıra dəyişikliklərin olunmasını təklif edib.
Trend bu barədə şirkətə istinadən məlumat verir.
Qeyd olunur ki, söhbət Bolqarıstanın Breqovo və Karçovsko kəndlərindən keçən marşrutdan gedir.
Hazırda IGB tikinti mərhələsindədir və kəmərin 2021-ci ilin sentyabrın sonunda istifadəyə verilməsi planlaşdırılır.
IGB boru kəmərinin inkişafı, maliyyələşdirilməsi və inşası boru kəmərinin sahibi olan “ICGB AD” birgə müəssisəsinin məsuliyyətindədir.
“ICGB AD” şirkəti hər səhmdarın 50 faiz paya sahib olan Bolqarıstanın BULGARIAN ENERGY HOLDING EAD və Yunanıstanın IGI POSEIDON S.A. tərəfindən 2011-ci ilin yanvar ayında təsis edilib.
