2021-ci ilin ilk iki ayında Rusiya Federasiyasında qaz hasilatı 3,8% artaraq 130,66 milyard kubmetr təşkil edib
Caspian Barrel Rusiya Energetika Nazirliyinin Yanacaq və Enerji Kompleksinin Mərkəzi Dispetçer İdarəsinin məlumatlarına istinad edərək bildirir ki, fevral ayında ölkədə 62 milyard 40 milyon kubmetr qaz hasilatı qeydə alınıb və bu, 2020-ci ilin müvafiq dövrü ilə müqayisədə 2,9 faiz artım deməkdir.
Mərkəzi Dispetçer İdarəsi Rusiyanın ən iri qaz hasilatçısı – “Gazprom” çirkəti haqda məlumatları dərc etməsə də, digər hasilatçılar barədə bəzi göstəriciləri açıqlayıb.
Ən iri özəl qaz şirkəti NOVATEK bu ilin yanvar-fevralında 12,51 milyard kubmetr (fevral ayında 5,75 milyard kubmetr) qaz hasil edib. Hasilatın Pay Bölgüsü Sazişləri (PSA) üzrə isə ilin əvvəlindən 5,35 milyard kubmetr (fevralda 2.51 milyard kubmetr) mavi yanacaq istehsal edilib.
