2020-ci ildə Hökumət bu barədə avtomobil istehsalçılarına tapşırıq verib
Özbəkistanda elektrikli nəqliyyat vasitələrinin istehsalı 2025-ci ilə qədər qurula bilər. Bu barədə “Uzavtosanoat” Səhmdar Cəmiyyətinin Strateji planlaşdırma, təhlil və inkişaf İdarəsinin müdiri Rüstəm Kodirov jurnalistlərin “UzAuto Motors” avtomobil zavoduna mətbuat turu zamanı açıqlama verib.
“Uzavtosanoat” Səhmdar Cəmiyyəti avtomobil istehsal edən müəssisələrə nəzarət edən bir dövlət qurumudur, onun tərkibinə avtomobil istehsalı ilə məşğul olan və avtomobil sənayesi üçün xidmət göstərən müəsisələr daxildir.
“Hazırda elektrikli nəqliyyat vasitələri üzərində iş yalnız konsepsiya hazırlanması istiqamətində aparılır. Proqnozlarımıza görə, istehsal 2025-ci ilə qədər başlaya bilər deyə Kodırov bildirib.
Qeyd edək ki, ötən ilin dekabr ayında Özbəkistan hökuməti “Uzavtosanoat” Səhmdar Cəmiyyətinə yaxın gələcəkdə yalnız elektrik mühərrikli minik avtomobilləri və hibrid nəqliyyat vasitələrinin istehsalına keçirməyi tapşırıb. Həmçinin 2021-ci il 1 fevral tarixinə qədər konsepsiya layihəsini hazırlamaq üçün xarici mütəxəssisləri və konsaltinq şirkətlərini cəlb etmək üçün tövsiyyələr vermişdi.
Kodırovun sözlərinə görə, xaricdə istehsal edilən elektrik avtomobilləri bahadır. Dünyada ən populyar olan Tesla 3 modelinin qiyməti 35 min dollardır. Özbəkistanda isə əhalinin alıcılıq qabiliyyəti aşağıdır – 2020-ci ilin nəticələrinə görə, satılan avtomobillərin 80%-inin qiyməti 11 min dollardan aşağı olub.
Özbəkistan Dövlət Statistika Komitəsinin məlumatlarına görə, keçən il Özbəkistana 131 elektrikli nəqliyyat vasitəsi idxal edilib ki, bu da 2019-cu ilə nisbətən 3 dəfə çoxdur. 2020-ci ildə elektrikli nəqliyyat vasitələrinin əksəriyyəti isə Çindən – 92 və Cənubi Koreyadan – 13 idxal edilib.
Hökumətin qərarı ilə Özbəkistana elektrikli nəqliyyat vasitələrinin idxalı aksiz və gömrük rüsumlarından azaddır. İdxalçı bu avtomobillərə görə yalnız ƏDV, gömrük rəsmiləşdirmə xərcləri və Yol Fonduna olan ödəmələri həyata keçirir.
Caspian Barrel
