Əsas benzin tədarükçüləri Qazaxıstan və Rusiyadır
Caspian Barrel xəbər verir ki, Özbəkistan bu il benzin idxalını 30 dəfə artırıb. Bu barədə ölkənin Dövlət Statistika Komitəsi məlumat yayıb.
2020-ci ilin səkkiz ayı ərzində ölkəyə 90,1 milyon litr benzin idxal edilmişdir ki, bu da 2019-cu ilin eyni dövrü ilə müqayisədə 87 milyon litr çoxdur.
Qazaxıstan tədarük həcminə görə lider oldu. Bu ölkə Özbəkistana 47,7 milyon litr benzin göndərib. İkinci yeri 36,5 milyon litrlə Rusiya, üçüncü yeri 5,6 milyon litrlə Türkmənistan, dördüncü yeri 232,1 min litr ilə Qırğızıstan tutub.
Eyni zamanda, Özbəkistanda 1 sentyabr 2020-ci il tarixinə qədər yalnız 694,2 min ton benzin istehsal edilib.
