Nəticədə, ölkə dünyanın ən böyük qızıl ixracatçılarından biri oldu və iyul ayında ən böyük qızıl ixracatçısı oldu.
Özbəkistan, koronavirus pandemiyasının yaratdığı iqtisadi problemlərin həlli üçün vəsait əldə etmək məqsədi ilə qızıl ehtiyatının bir hissəsini satmağa qərar verdi. Nəticədə, ölkə bu qiymətli metalın satışında dünya liderlərindən birinə çevrildi.
Dövlət Statistika Komitəsi bu ilin ilk səkkiz ayında ölkənin 5,8 milyard dollar dəyərində qızıl ixrac etdiyini bildirdi. Qiymətli metalların satışı ölkənin ixrac gəlirlərinin yarısını təşkil edi.
Müqayisə üçün deyək ki, 2019-cu il ərzində Özbəkistan xarici ticarət dövriyyəsinin 27,5% -ni təşkil edən 4,9 milyard dollar dəyərində qızıl ixrac etmişdi.
İyul ayında Özbəkistan dünya bazarına 11,6 ton qızıl çıxarıb və 6,1 ton gösərici ilə dünyanın ikinci qızıl satan ölkəsi olan Monqolustanı asanlıqla geridə qoyub.. Avqust ayında Özbəkistan 2,5 milyard dollarlıq qızıl sata bilib, müqayisə üçün bildirək ki, bütün 2015-ci il ərzində Özbəkistan cəmi 1,9 milyard dollarlıq qiymətli metal satmağa müvəffəq olmuşdu.
Özbəkistanın iqtisadi eksperti Navruz Melibayev bildirib ki, qızıl ixracı Özbəkistan üçün pul toplamaq və ticarət kəsirini aradan qaldırmaq üçün yaxşı vasiə olsa da, bu uzun sürməyəcək.
“Biz sənayeni və iqtisadiyyatın digər sahələrini inkişaf etdirməliyik. Qızıl satışı pandemiyanın təsirləri ilə bu metalın bahalaşması səbəbindən müvəqqəti bir haldır və hər zaman Özbəkisanın ondan faydalanmaq imkanları məhduddur”, deyə ekspert bildirib.
1 iyul tarixinə Özbəkistanın xarici borcu 17,3 milyard dollar təşkil edib ki, bu da ölkənin ÜDM-nin 30,3% -nə bərabərdir. İlin əvvəlindən bəri borc 1,6 milyard dollar böyüdü.
