2020-ci ildə Azərbaycanda təbii qaz hasilatı 38 milyard kubmetri ötəcək. Bunu energetika naziri Pərviz Şahbazov deyib.
“Bu il Azərbaycanda qaz hasilatı 38 milyard kubmetri ötəcək. 2022-ci ildə bu göstərici 45 milyard kubmetrə yaxın təşkil edəcək”, – Şahbazov cümə axşamı “Qlobal energetika və beynəlxalq siyasi risklər” adlı beynəlxalq konfrans zamanı bildirib.
Xəbər verildiyi kimi, Energetika Nazirliyinin məlumatına görə, 2020-ci ilin yanvar-may aylarında Azərbaycanda qaz hasilatı 16,4 milyard kubmetr təşkil edib, bu da ötən ilin analoji dövrü ilə müqayisədə 13,6% çoxdur.
2019-cu ildə ölkədə təbii qaz hasilati 35 milyard 591,4 milyon kubmetr təşkil edib.
