Qazaxıstanın milli qaz şirkəti “KazTransGaz” ASC Avropa Yenidənqurma və İnkişaf Bankından 243 milyon avro məbləğində kredit cəlb etmişdir. Bu haqda Forbes.kz məlumat verir.
Şirkətdə izah ediblər ki, maliyyə vəsaitləri dövriyyə kapitalını artırmaq və şirkətin likvidliyini artırmaq üçün istifadə ediləcəkdir. Eyni zamanda, kreditin əsas məqsədi koronavirus pandemiyası və enerji qiymətlərinin düşməsi səbəbindən iqtisadi gərginlik dövründə Qazaxıstan qaz operatoruna dəstək verməkdir.
“KazTransGaz” ASC ilə Avropa Yenidənqurma və İnkişaf Bankı arasında əməkdaşlıq illərdir davam edir. Bu maliyyələşmə KazTransGazın törəmə şirkətlərinə atmosferə metan qazı tullantılarının aradan qaldırılması kimi tədbirlər, həmçinin Qazaxıstanın yaşıl iqtisadiyyat strategiyasını dəstəkləmək üçün karbon tullantılarının azaldılması proqramlarını hazırlamaq və həyata keçirməklə ətraf mühitə təsirləri yaxşılaşdırmağa imkan verir.
Avropa Yenidənqurma və İnkişaf Bankı paketi 100 milyon avro milli valyutada və ya ABŞ dolları olmaqla dövriyyə kapitalı krediti və “KazTransGas”ın törəməsi olan “İnterqaz Mərkəzi Asiya” şirkəti balansının restrukrizasiyası üçün nəzərdə tutulan 115 milyon avro məbləğindəki kreditdən ibarətdir.
