2020-ci ilin yanvar-may aylarında Qazaxıstanda təbii qaz hasilatı əvvəlki ilin eyni dövrü ilə müqayisədə 7,2% artaraq 24,8 milyard kubmetrə çatıb.
Milli İqtisadiyyat Nazirliyi yanında Statistika Komitəsinin yaydığı məlumatına görə, təbii qaz hasilatın 40,3% -ni və ya 10 milyard kubmetrini təşkil etmişdir. Neft hasilatı zamanı çıxan səmt qazının payı isə 59,7% və ya 14,8 milyard kubmetr olmuşdur.
Regional kontekstdə təbii qaz istehsalının ən böyük həcmi Atırau bölgəsində (Xəzəryanı bölgə)olmuşdur (ölkənin istehsal həcminin 45,3% -i v ə ya 11.2 milyard kubmetri, artım 18.6%). Qaz hasilatında Qərbi Qazaxıstan bölgəsinin payı 36,6% və ya 9,1 milyard kubmetr təşkil edib (artım 5%), Aktobe vilayətində hasil edilən qaz isə ölkə qazının 10,5%-ni təşkil edib (2,6 milyard kubmetr, azalma 12,2%).
2020-ci ilin yanvar-aprel ayları statistikasına görə, Qazaxıstan 6 milyard 304,5 milyon kubmetr qaz ixrac edib. Qazın ixrac həcmi ötən ilin müvafiq dövrü ilə müqayisədə 34,9% azalıb.
Qazaxıstan təbii qazının əsas idxalçısı Çin olub – dəyəri 566,1 milyon ABŞ dolları olan 2 milyard 719,7 milyon kubmetr qaz həcmi. Çinə qaz ixracı həcmcə 7,4%, dəyər ifadəsində isə 2,5% artımla müşahidə edilmişdir.
Cari ilin dörd ayında 101,5 milyon dollar dəyərində 2,1 milyard kubmetr qaz MDB ölkələrinə ixrac edilib. Qazaxıstan qazının MDB ölkələrinə ixracının 75,5 faizi Rusiyanın payına düşüb.
Qazaxıstan həmçinin 109,51 milyon dollar dəyərində və 1 milyard 455,4 milyon kubmetr qazı Avropa ölkələrinə ixrac edib. Avropada Qazaxıstan qazını iki ölkə – İsveçrə və Almaniya (196,6 milyon kubmetr) alıb.
